بەرپرسێ مەكتەبا رێكخستنا پارتی ل پارێزگەها دهۆكێ ل گەل مامۆستایێن زانكۆیێ كۆمبوو
د. پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی دیمۆكراتی كوردستان ل پارێزگەها دهۆكێ روونشتنەكا ڤەكری ل گەل هەژمارەكا مامۆستایێن زانكۆیێ و شارەزایێن بیاڤێ ئابووری و بازرگانی و چاندنێ و گەشتوگوزارێ و بیاڤێن دیتر ل پارێزگەها دهۆكێ ئەنجامدا.
د روونشتنێ دا دانوستاندن ل سەر چەندین مژارێن گرێدایی رەوشا ئابووری و بازرگانی و چاندنێ و گەشتوگوزارێ ل دەڤەرێ هاتە كرن، مەرەم ژ روونشتنێ ئەو بوو، چاوا ئەڤ كەرتە بهێنە باشتركرن و گرنگیەكا زێدەتر ب ڤان كەرتان ل دەڤەرێ بهێتەدان، داكو ب رێیا وان دەلیڤەیێن كاری بۆ وەلاتیان بهێنە دابینكرن، دیسا ژ ئالیێ بەرهەڤبوویان ڤە چەندین پرسیار و پێشنیار و تێبینی هاتنە ئاراستەكرن.
