باژارێ حه‌سه‌کێ تووشی قەیرانەکا مەزن یا ئاڤێ بوویە
ل باژێرێ حه‌سه‌کە یێ رۆژئاڤایێ کوردستانێ کێشا بێ ئاڤیێ دبیته ئەگەرێ به‌لاڤبوونا نه‌خوه‌شیان و ل پڕانیا تاخێن باژێر یه‌ک دلۆپ ژی ئاڤ نینه و خه‌لک ب تانکان ئاڤێ ژ باژێرکێن ده‌وروبه‌ر دئینن و ئه‌و ئاڤ ژی ب کێری ڤه‌خوارنێ ناهێت، ئەو یەک ژی نها بوویە قەیرانەکا گەلەک مەزن ل وی باژێری و کاریگەریەکا گەلەک خراب ل ژیانا وەلاتیان یا کری.
د ڤێ مژارێ دا ڕێڤه‌بەریا خوه‌سه‌ر یا رۆژئاڤایێ کوردستانێ راگه‌هاند کو کۆمێن چه‌کدارێن سه‌ر ب تورکیا بۆریێن ئاڤێ یێن سه‌رێکانیێ داخستینه و ناهێلن یه‌ک دلۆپ ئاڤ ژی بگه‌هیته حه‌سه‌کێ و ده‌وروبه‌رێن وێ، ژ به‌ر وێ یه‌کێ د ناڤ خه‌لکی دا نه‌خوه‌شیێن مه‌ترسیدار بەلاڤ بووینه.
هه‌روه‌سا بەرپرسش`ێن ڕێڤه‌به‌ریا خوه‌سه‌ر راگه‌هاندن کو ل سه‌ر کێشا ئاڤێ وان سازیێن نێڤده‌وله‌تی ئاگەهدار کرینه و کۆمێن چه‌کدار یێن سه‌ر تورکیا تاوانێن ل دژی مرۆڤاتیێ ئه‌نجام دده‌ن و داخواز ژ نه‌ته‌وێن ئێکگرتی و سازیێن نێڤده‌وله‌تی ژی کرن کو فشارێ بێخنە سه‌ر تورکیا دا کو بۆریێن ئاڤێ یێن ژ سه‌رێکانیێ دهێته حه‌سه‌کێ و ده‌وروبه‌رێن وێ بهێنه ڤه‌کرن.
