زێرینگرەكی ل ئاكرێ گوژمەكێ پارەیێ خەلكی بریە و خوە بەرزەكریە
ل سنوورێ دەڤەرداریا ئاكرێ چار وەلاتیان سكالا ل سەر زێرینگرەكی تۆماركریە، كو زێر و پارەیێ خەلكی بریە و خوە بەرزەكریە.
موقەدەم عیماد حسێن، پەیڤدارێ پۆلیسێن ئاكرێ بۆ ئەڤرۆ گۆت: «چار وەلاتیان سكالا ل سەر زێرینگرەكێ ئاكرێ تۆماركریە، كو مامەلا زێری ل گەل وی زێرینگری كریە و نوكە خوە بەرزەكریە».
گۆتژی: «هەتا نوكە دیار نینە ئەو پارێ وی زێرینگری بری چەندە، فەرمانا گرتنێ بۆ زێرینگری دەركەفتیە، لێ هەتا نوكە نەهاتیە دەستەسەركرن».
