پۆتین هۆشداریێ ددەتە تورکیا
سەرۆکێ رۆسیا د داخۆیانیەکێ دا راگەهاند، شەڕێ وان ل ئۆکرانیایێ دێ بەردەوام بیت، چونکی ئەمریکا و ناتۆ دخوازن ب رێیا ئۆکرانیایێ مەترسیێن مەزن بۆ پاشەرۆژا رۆسیا دروست بکەن، ژ بەر هندێ ژی رۆسیا کار بۆ بدەستڤەئینانا ئارمانجێن خوە یێن تایبەت ل ئۆکرانیایێ دکەت.
سەبارەت ب هەلوەستێ تورکیا ژی، سەرۆکێ رۆسیا راگەهاند د دەمێن بۆری دا هندەک پێنگاڤێن تورکیا بووینە جهێ دلگرانیا رۆسیا، نابیت تورکیا ل رەخەکێ ل گەل رۆسیا بیت و ل ئالیێ دی کار بۆ ئەندامەتیێ ل ئێکەتیا ئۆرۆپا بکەت، هندەک بزاڤێن تورکیا ب تایبەتی ژی ئازادکرنا هندەک ژ فەرماندارێن سەربازی و هنارتنا وان بۆ ئۆکرانیایێ جهێ دلگرانیێ نە.
پۆتینی ئەو یەک ژی دیار کر، بەری چەند رۆژان ب رێیا تەلەفۆنێ وی دلگرانیا وەلاتێ خوە ل هەمبەر هەلوەستێ تورکیا گەهاندینە ئەردۆغانی و ئەو نها چاڤەرێ نە، تورکیا پێداچوونێ د هەلوەستێ خوە دا بکەت.
