تۆڕێن ئاڤێ بۆ هەژمارەكا تاخێن ئامێدیێ و دێرەلۆكێ دهێنە دانان
ئامێدیێ، مەحمود نهێلی:
ژ بۆ پتر خزمەتكرنا وەلاتیان و نەهێلانا ئاریشەیا كێمیا ئاڤێ ل دەڤەرێ رازیبوون ل سەر پڕۆژەیێ دانانا تۆڕێن ئاڤێ ل هەژمارەما تاخێن سەنتەرێ دەڤەرداریا ئامێدێ و ناوچەداریا دێرەلۆكێ هاتیە كرن.
ئەندازیار بەشار حەجی، بەرپرسێ فەرمانگەها ئاڤا ئامێدیێ بۆ رۆژناما ئەڤرۆ دیار كر، ب مەرەما چارەكرنا ئاریشەیا كێمئاڤیێ ل دەڤەرێ، دەست ب چێكرنا پڕۆژەیێ دانانا تۆڕێن ئاڤێ ل هەژمارەكا تاخێن سەنتەرێ دەڤەرداریا ئامێدێ و سەنتەرێ ناوچەداریا دێرەلۆكێ هاتیە كرن و گۆت: «ئەڤ پڕۆژە ژ دانانا تۆڕێن ئاڤێ ب درێژاهیا 15 هزار میتران ل ناوچەداریا دێرەلۆكێ و سەنتەرێ دەڤەرداریا ئامێدێ پێك دهێت و ل سەر بودجا تایبەتا پارێزگەها دهۆكێ ب گوژمێ 320 ملیۆن دیناران دهێتە بجهئینان».
گۆتژی: «نوكە پڕۆژە ب رێژا پتر ژ 85% هاتیە بجهئینان و دێ د دەمێ خوەیێ دیار كری دا ب دووماهی هێت و كەڤیتە د خزمەتا خەلكێ دەڤەرێ دا».
