سهرهكى ناڤخۆ ل سەر راسپادەیێن پارێزگارێ دهۆكێ جاددا دەرگەهێ ئالۆكا دهێتە سەخبێركرن و بەرفرەهـكرن
ل سەر راسپادەیێن پارێزگارێ دهۆكێ جاددا دەرگەهێ ئالۆكا دهێتە سەخبێركرن و بەرفرەهـكرن
پشتی د. عەلی تەتەر، پارێزگارێ دهوكێ سەرەدانا دەرگەهێ زالگەها ئالۆكا و رێكا سەرەكی یا دهۆكێ بۆ مووسلێ كری و ژ نێزیك سەحكریە رێكا ناڤبری و بزاڤا هاتنوچوونا ترۆمبێلان، لایەنێن پەیوەندیدار راسپاردن دەرگەهێ زالگەها ئالۆكا و رێكا سەرەكی بۆ ناڤ باژێرێ دهۆكێ بهێتە رێكخستن و ب سەروبەركرن.
پڕۆژە ل سەر بودجا پارێزگەها دهۆكێ ب دو قووناغان و ب گوژمێ پتری 496 ملیۆن دیناران، كو درێژاهیا هەر لایەكێ جاددێ 900 مەترن، دهێتە بجهئینان و هەتا نوكە پتر ژ 80% كار ل سەر هاتیە كرن.
ئەڤ پڕۆژە ئێكە ژ پڕۆژەیێن گرنگ یێن خزمەتگوزاری و دێ هاتنوچوونا وەلاتیان ب سەناهیتر لێكەت، هەروەسا دێ جوانیەكێ ژی دەتە سیمایێ دەرگەهێ باژێری، سەرۆكاتیا باژێرڤانیا دهۆكێ راستەوخو كار ل سەر ئەڤی پڕۆژەی دكەت و رۆژانە پتری 70 دەلیڤێن كاری بۆ وەلاتیان دابینكرینە.
