ئەلمانیا دێ چەکێ پێشکەفتی دەتە ئۆکرانیایێ
رۆژناما بیلد یا ئەلمانی د راپۆرتەکێ دا دیار کریە، کۆمپانیێن ئەلمانیا یێن بەرهەمئینانا چەکێ پێشکەفتی ب تایبەتی ژی درۆنان یێ کار دکەن دا هەتا دووماهیا ئەڤسالە درۆنا هەری پێشکەفتی یا ب ناڤێ (لۆنا) رادەستی ئۆکرانیایێ بکەن دا ئۆکرانیا بشێت وان د شەرێ ل دژی رۆسیا دا بکار بینیت.
هەمان رۆژنامێ ئەو یەک ژی دیار کریە، کو ئەلمانیا دڤێت ژ بلی درۆن و فرۆکێن بێ فرۆکەڤان چەکێ دی یێ پێشکەفتی ژی بدەتە ئۆکرانیایێ، چونکی نها رۆسیا بوویە مەترسیەکا گەلەک مەزن ل سەر وەلاتێن ئێکەتیا ئۆرۆپا، ژ بەر هندێ ژی ئەلمانیا و وەلاتێن دی یێن ئێکەتیا ئۆرۆپا ب هەموو رەنگەکێ هاریکاریا ئۆکرانیایێ دکەن دا رۆسیا د شەری دا یا سەرکەفتی نەبیت، چونکی سەرکەفتنا رۆسیا دێ بیتە ئەگەرێ روودانا مەترسیەکا گەلەک مەزن ل سەر وەلاتێن ئێکەتیا ئۆرۆپا، ژ بەر هندێ ژی ئەلمانیا دڤێت چەکێ هەری باش بدەتە لەشکرێ ئۆکرانیایێ دا بشێن دربێن کوژەک ل لەشکرێ رۆسیا بدەن.
