هەژمارەكا پڕۆژەیێن نوو ل سێمێلێ و دەوروبەران دێ هێنە دروستكرن
د بەردەوامیا بەرنامێ حوكمەتا هەرێما كوردستانێ دا بۆ ئەنجامدانا پڕۆژەیێن خزمەتگوزاری، دابینكرنا ئامیرە و كەلوپەلێن دام و دەزگەهێن حكومی و چارەكرنا ئاریشەیێن میلاكی ل سنوورێ دەڤەرداریێن جودا جودا، د. عەلی تەتەر، پارێزگارێ دهۆكێ پێشوازی ل لژنا دیوانا جڤاتا وەزیران یا حوكمەتا هەرێما كوردستانێ ب سەرۆكاتیا د. ئیبراهیم شەرەفانی، راوێژكارێ جڤاتا وەزیران ل دۆر بابەتێن دەڤەرداریا سێمێلێ و دەوروبەران كر.
پارێزگارێ دهۆكێ د هەڤدیتنێ دا سۆپاسیا كارێ لژنا ناڤبری كر بۆ ئەو كارێ ل سنوورێ دەڤەرداریێن (ئاكرێ، بەردەڕەش و شێخان) ئەنجامدای و باس ل پێدڤیێن خزمەتگوزاری و پڕۆژەیێن دەڤەرداریا سێمێلێ و دەوروبەران ژی هاتە كرن.
لژنا ناڤبری دۆپاتكر بۆ دووڤچوونا مەیدانی و پڕۆژەیێن دەڤەرا سێمێلێ هاتینە و بڕیارە لژنا ناڤبری ب شێوەكێ مەیدانی سەرەدانا دەڤەرداریا سێمێلێ بكەت و كار بۆ دروستكرنا هەژمارەكا پڕۆژەیێن نوو ل سێمێلێ دهێتە كرن.
