ئالۆزی د ناڤبه‌را قوبرسا باکور و UNێ دا دروست دبن

حوکمه‌تا قوبرسا باکور بێی رازیبوونا هێزێن ئاشتیێ یێن سەر ب نه‌ته‌وێن یه‌کگرتی، خوا‌ست ل هێلا که‌سک یا هه‌رێما ئارام یا کو ل ژێر کۆنترۆلا هێزێن نه‌ته‌وەیێن یه‌کگرتی دایه‌، رێیەکا جودا دروست بکەت و ده‌ست ب دروستکرنا ئاڤاهیان بکه‌ت. ل هه‌مبه‌ر دا هێزێن سه‌ر ب نه‌ته‌وەیێن یه‌کگرتی رێیا هێلا که‌سک داخستن. هێزێن ئێمناهیا قوبرسا باکور یا تورک ب هێزا له‌شکری و ب ترۆمبێلێن کاری، ئێرشی سه‌ر هێزێن ئاشتیێ یێن نەتەوەیێن کرن و د ئەنجام دا سێ ترۆمبێلێن هێزێن ئاشتیێ هاتنە ژناڤبرن.
به‌رپرسێ هێزا ئاشتی یا سەر ب نه‌ته‌وەیێن یه‌کگرتی ژی راگه‌هاند کو بەرپرسێن قوبرسا باکور دخوازن بێی رازیبوونا وان کارێن نه‌یاسایی ئه‌نجام بده‌ن و ئەو یەک ژی ب چو رەنگەکێ ناهێتە قەبوول کرن.

کۆمێنتا تە