ئیران: ئەم چاڤدێریا لڤینێن ئەمریکا دکەین
پەیڤدارێ وەزارەتا دەرڤە یا ئیرانێ راگەهاند، ڤێ دووماهیێ ئەمریکا هێزەکا مەزن یا ئینایە رۆژهەلاتا ناڤین و فرۆکێن ئەمریکا ل هندەک دەڤەران چاڤدێریا هێزێن وان ژی دکەن، ئەو وەکو ئیران ژ نێزیکڤە چاڤدێریا لڤینێن ئەمریکا دکەن و خوە بۆ هەر پێشهاتەکێ ژی بەرهەڤ دکەن.
ناسر کەنعانی ئەو یەک ژی دیار کر، ئەمریکا دڤێت جارەکا دی ئالۆزیان ل رۆژهەلاتا ناڤین دروست بکەت، ب سالانە ئەمریکا ب رێیا دروستکرنا ئالۆزیان ل رۆژهەلاتا ناڤین دڤێت پێگەهێ خوە بهێز بکەت، نها ژی جارەکا دی ئەمریکا دڤێت رەوشا دەڤەرا مە تێک بدەت، ئەو یەک د بەرژەوەندیا وەلاتێن رۆژهەلاتا ناڤین دا نینە، چونکی نها پێدڤیا چو وەلاتەکێ ل رۆژهەلاتا ناڤین ب هێزێن ئەمریکا نینە و دڤێت ئەمریکا ژ رۆژهەلاتا ناڤین دەرکەڤیت.
