دەست ب ئاڤاكرنا یەكەیێن ئاكنجیبوونێ بۆ كێمدەرامەتان ل دهۆكێ دێ هێتە كرن
ب بڕیارا مەسرور بارزانی سەرۆكێ حوكمەتا هەرێما كوردستانێ، ژڤانە 20 هزار یەكەیێن ئاكنجیبوونێ ل سەرانسەری هەرێما كوردستانێ بهێنە دروستكرن.
كوردۆ ئێحسان، رێڤەبەرێ گشتی یێ وەبەرهێنانێ ل پارێزگەها دهۆكێ دیار كر، ل سەر راسپاردا سەرۆكێ حوكمەتا هەرێما كوردستانێ دێ یەكەیێن ئاكنجیبوونێ ل سەرانسەری هەرێما كوردستانێ بۆ كەسانێن كێمدەرامەت و كرێدار هێنە دروستكرن و گۆت: «ل پارێزگەها دهۆكێ ژی گەلەك پێنگاڤ هاتینە هاڤێتن و ل نێزیك دێ پرۆسا قووناغا دووماهیێ دەستپێكەتن، كو ئەو لایەنە دێ هێتە دیاركرن ئەوێ ب كارێ دروستكرنێ رادبیت».
رێڤەبەرێ گشتی یێ وەبەرهێنانێ ل پارێزگەها دهۆكێ گۆتژی: «ئاریشەیا جهی مە ل پارێزگەها دهۆكێ نینە و ل سەنتەرێ باژێرێ دهۆكێ و هەمی دەڤەرداریێن سەر ب دهۆكێ ڤە جهێ هاتیە دەستنیشانكرن، كو ئەو یەكەییێن ئاكنجیبوونێ لێ بهێنە دروستكرن».
ناڤهاتی دووپات ژی كر، بتنێ ئەو پێنگاڤە مایە چو كەس دێ وان یەكەیان دروست كەتن، خەلكێ خوە پشتراست دكەین، كو ل نێزیك دێ ناڤێن وان كەسان هێنە دیاركرن».
