ئۆکرانیا: رۆسیا د شەرێ دا یا سەرکەفتی نابیت
سەرۆکێ ئۆکرانیایێ راگەهاند، هەکە فرۆکێن نوو یێن ئەمریکا بگەهنە دەستێ وان ئەو دێ شێن دربێن کوژەک ل لەشکرێ رۆسیا بدەن، هەتا نها ژی رۆسیا نەشیایە د شەرێ دا یا سەرکەفتی بیت و هەکە ئەمریکا فرۆکێن F16 بدەتە ئۆکرانیایێ دێ بالانسا شەرێ ب تەمامی د بەرژەوەندیا وان دا هێتە گوهۆڕین.
زیلێنسکی ئەو یەک ژی دیار کر، نها لەشکرێ ئۆکرانیایێ دەست ب قۆناغەکا نوو یا شەری کرینە، رۆسیا ئێدی نەشێت وەکو بەرێ ئێرش بکەت و لەشکرێ ئۆکرانیایێ ب چەکێ نوو و گران دێ شێت دربێن کوژەک ل لەشکرێ رۆسیا بدەت، ئەزموونا پتر ژ سالەکێ ژی نیشا ددەت کو رۆسیا نەشێت د شەری دا یا سەرکەفتی بیت.
