دو سەرکردێن داعشێ ل دێرازۆرێ هاتنە دەستەسەر کرن
فەرماندارەکێ هێزێن سووریا دیموکرات راگەهاند، وان ب هەماهەنگی ل گەل هێزێن ئەمریکا ل دێرازۆرێ دەست ب ئۆپەراسیۆنەکا بەرفرەه کرینە و د ئەنجاما ئۆپەراسیۆنێ دا وان شیاینە دو سەرکردێن رێکخستنا تیرۆرستی یا داعشێ دەستەسەر بکەن، وان سەرکردان بەرهەڤی بۆ کریارێن تیرۆرستی ل دێرازۆرێ و دەڤەرێن دی یێن سووریێ دکرن، لێ ب هەڤکاریا هێزێن ئەمریکا وان شیاینە هەر دو تیرۆرستان دەستەسەر بکەن.
هەمان فەرمانداری ئەو یەک ژی دیار کریە، نها داعش ل سووریێ خوە بۆ کریارێن تیرۆرستی بەرهەڤ دکەت، دڤێت د ئاستێ نێڤدەولەتی دا شەرێ ل دژی داعشێ جارەکا دی بهێز ببیت، چونکی نها سستیەک د شەرێ ل دژی داعشێ دا هەیە و مخابن تیرۆرستێن داعشێ شیاینە ل هندەک دەڤەران ل سووریێ جارەکا دی خوە ب رێکخستن بکەن، هەکە رێکخستنا تیرۆرستی یا داعشێ ل سووریێ ب تەمامی ژناڤ نەچیت دێ جارەکا دی دەست ب کریارێن خوە یێن تیرۆرستی کەت، ژ بەر هندێ ژی گرنگە شەرێ ل دژی داعشێ ب هەموو رەنگەکێ بەردەوام بیت هەتا داعش و رێکخستنێن دی یێن تیرۆرستی ب تەمامی ژناڤ بچن.
