ب گوژمێ پتر ژ 100 ملیار دیناران پڕۆژەیێ ئاڤا ئاكرێ دێ هێتە تەمامكرن
ئاكرێ، رەمەزان زەكەریا:
ب مەرەما تەمامكرنا پڕۆژەیێ ئاڤا ئاكرێ پارێزگارێ دهۆك مزگینیەكێ ددەت خەلكێ ئاكرێ، كو بۆری بۆ پڕۆژەیێ ستراتیژیێ ئاڤا ئاكرێ هاتینە دابینكرن.
د. عەلی تەتەر، پارێزگارێ دهۆكێ د راگەهاندنەكێ دا دیار كر، خەلكێ دەڤەرداریا ئاكرێ ئاگەهدار دكەین، پشتی دووڤچوونا راستەوخوە یا مەسرور بارزانی، سەرۆكێ حوكمەتا هەرێما كوردستانێ، گوژمێ پتر ژ 100 ملیار دیناران بۆ دابینكرنا بۆریێن پڕۆژێ مەزن یێ ئاڤا ئاكرێ، هاتنە تەرخانكرن.
پارێزگارێ دهۆكێ دبێژیت: هیڤیدارین ب زووترین دەم ئەڤ پڕۆژە ب دووماهی بهێت و ب كەڤیتە د خزمەتا وەلاتیان دا.
پڕۆژەیێ ستراتیژیێ ئاڤا ئاكرێ ئێكە ژ پڕۆژەیێن مەزن و گرنگێن دەڤەرا ئاكرێ ب تەمامبوونا پڕۆژەی دێ ئاریشەیا كێمئاڤیێ ل سەنتەرێ ئاكرێ و هەژمارەكا گوندێن دەڤەرێ هێتە چارەكرن.
