رۆسیا: پەیوەندیێن مە و ئیرانێ دێ بهێزتر لێ هێن
جێگرێ وەزیرێ دەرڤە یێ رۆسیا راگەهاند، پەیوەندیێن سەربازی یێن ئیرانێ و رۆسیا نها گەلەک د باشن و دێ بەردەوام ژی بن، چونکی ئەمریکا دڤێت ب فشارێن خوە ئیرانێ نەچار بکەت درۆنان نەدەتە رۆسیا، لێ هەتا نها فشارێن ئەمریکا بێی ئەنجامن و پەیوەندیێن سەربازی یێن مە ل گەل ئیرانێ دێ باشتر ژی لێ هێن.
سیرگێی ریابکۆڤ ئەو یەک ژی دیار کر، ئەمریکا یێ بزاڤان دکەت دا ئیران و رۆسیا د گەلەک بیاڤان دا هەڤکاریا هەڤدو نەکەن، لێ هەتا نها ژی بزاڤێن ئەمریکا بێی ئەنجام ماینە، چونکی رۆسیا و ئیران دو وەلاتێن سەربخوە نە و دێ ل گۆر بەرژەوەندیێن خوە کار کەن.
