باژێرڤانیا فەیدیێ ب گوژمێ شەش ملیار دیناران 100 جاددە و كۆلانان قێر دكەت
دهۆك، لەزگین جوقی:
سەرۆكێ باژێرڤانیا فەیدیێ دیار كر، ب گوژمێ شەش ملیار دیناران ل سەر بودجەیا پارێزگەها دهۆكێ و پارێزگەها نەینەوا پڕۆژەیێ 100 جاددە و كۆلانێن ناوچەداریا فەیدیێ دهێتە بجهئینان.
باوەر سەگڤان، سەرۆكێ باژێرڤانیا فەیدیێ بۆ ئەڤرۆ گۆت: «پڕۆژەیێ چێكرنا 100 جاددە و كۆلانێن سنوورێ باژێرڤانیا فەیدیێ كەفتیە د وارێ بجهئینانێ دا، ئەڤ پڕۆژە ل سەر بودجەیا پارێزگەها دهۆكێ و پارێزگەها نەینەوا دهێتە بجهئینان».
گۆتژی: «پڕۆژەیێ چێكرنا 100 جاددە و كۆلانێن سنوورێ باژێرڤانیا فەیدیێ ب درێژاهیا 16 كیلۆمەترایە و نوكە كار د بجهئینانا پڕۆژەی دا دهێتە كرن».
