سەرۆكێ حوكمەتا هەرێمێ پڕۆژەیێ كۆڕنیشێ ئاڤا روویێ شین ل شێلادزێ پەسەند كر
بڕیارە پڕۆژەیێ كۆڕنیشێ روویێ شین ل ناوچەداریا شێلادزێ ژ لایێ حوكمەتا هەرێما كوردستانێ ڤە ل سەر ڕووبارێ ئاڤا شین بهێتە دروستكرن و سەرۆكێ حوكمەتێ ژی ئەو پڕۆژەیە پەسند كر.
وارشین سەلمان، دەڤەردارێ ئامێدیێ، ئاشكرا كر، بڕیارا حوكمەتا هەرێما كوردستانێ، كۆڕنیشێ ناوچەداریا شێلادزێ ل سەر ڕووبارێ ئاڤا شین دێ هێتە دروستكرن و بەرهەڤیێن باش بۆ پڕۆژەی هاتینە كرن.
دەڤەردارێ ئامێدیێ گۆت: «ئەم ب هیڤینە د سالا 2024 دا ئەڤ پڕۆژە بكەڤیتە د خزمەتا وەلاتیێن دەڤەرا ئامێدیێ و گەشتیاران دا».
