مەهدی کەرۆبی هۆشداریێ ددەتە بەرپرسێن ئیرانێ
مەهدی کەروبی ئێک ژ سەرکردێن بزاڤا کەسک یا ئیرانێ کو نها د مالێ خوە دا ل ژێر چاڤدێریێ دایە بۆ دەزگەهێن راگەهاندنا ئیرانێ دیار کر، رەوشا ئیرانێ رۆژ ب رۆژێ خرابتر لێ دهێت و مخابن بەرپرسێن ئیرانێ هەتا نها هەست ب مەترسیا رەوشا هەی نەکرینە.
ناڤهاتی ئەو یەک ژی دیار کریە، جیهان رۆژ ب رۆژێ یا پێش دکەڤیت و ئیران ژی پاشڤە ڤەدگەریت، ئەو یەک ژی مەترسیەکا گەلەک مەزنە، دڤێت سیستەمێ نها بهێتە گوهۆڕین، چونکی خەلک ژ سیستەمێ نها گەلەک توورە نە و مخابن دەستهەلاتێ ژی چو پرۆژە بۆ چارەسەریێ نینن
