ب گوژمێ پتری چار ملیار دیناران پڕۆژەیێ جۆتسایدێ شێخان دهێتە بجهئینان
پڕۆژەیێ جۆتسایدێ سەرەكی یێ ناڤا باژێرێ شێخان نوكە د قووناغا بجهئینانێ دایە، كو درێژاهیا وی چار كیلۆمەتر و 500 مەترن و پارێزگارێ دهۆكێ ژی دوپاتیێ ل سەر بلەز بجهئینانا وی ب كوالیتیەكا باش دكەت.
د. عەلی تەتەر، پارێزگارێ دهۆكێ ب سەرەدانەكا نەچاڤەرێكری سەرەدانا دەڤەرداریا شێخان كر و ل گەل وەلاتیێن وێ هەڤدیتنەك ئەنجام دا و گوهداریا گازندە و داخوازیێن وان كر، دیسا ب هەڤالینیا سەردار یەحیا، دەڤەردارێ شێخان سەرەدانا پڕۆژەیێ جۆتسایدێ سەرەكی یێ ناڤا باژێرێ شێخان كر، كو ب درێژاهیا چار كیلۆمەتر و 500 مەتران و ب گوژمێ چار ملیار و ٢٠٠ ملیۆن دیناران دهێتە بجهئینان.
پارێزگارێ دهۆكێ دۆپاتكر، كو لەز ل ئەنجامدانا پڕۆژەی ب باشترین كوالێتی بهێتە كرن و بكەڤیتە دخزمەتا وەلاتیان دا.
