ئیمام ئۆغلۆ: دڤێت پارتا کۆماری خوە بگوهۆڕیت
ئەکرەم ئیمام ئۆغلۆ سەرۆکێ باژێرڤانیا مەزن یا ئستەنبولێ د داخۆیانیەکێ دا بۆ دەزگەهێن راگەهاندنا تورکیا دیار کر، رەوشا نها یا پارتا کۆماری باش نینە، چونکی خەلکی داخوازیێن مەزن هەنە، نها تورکیا د قەیرانەکا گەلەک مەزن دایە، ژ بەر هندێ ژی دڤێت پارتا کۆماری دەست ب گوهۆڕینێن مەزن بکەت، هەکە پارتا کۆماری خوە بگوهۆڕیت بێگومان دێ ل تورکیا ژی گوهۆڕینێن مەزن روو دەن، لێ مخابن نها رەوش باش نینە.
چاڤدێرێن سیاسی ل تورکیا ژی دیار دکەن، نها ناکۆکیێن گەلەک مەزن د ناڤبەرا ئەکرەم ئیمام ئۆغلۆ سەرۆکێ باژێرڤانیا مەزن یا ئستەنبولێ د گەل کەمال کلچدار ئۆغلۆیی دا هەنە، چونکی بەری نها ئیمام ئۆغلۆ داخواز ژ کەمال کلچدار ئۆغلۆیی کربوو دەست ژ سەرۆکاتیا پارتا کۆماری بەردەت، لێ ئەو یەک ژ ئالیێ کەمال کلچدار ئۆغلۆیی ڤە ب توندی هاتبوو رەتکرن، داخۆیانیا ڤێ دووماهیێ یا ئەکرەم ئیمام ئۆغلۆیی جارەکا دی نیشا ددەت باوەریا وی ب کەمال کلچدار ئۆغلۆیی نینە.
