نێزیکی هزار کەسان ل مەغربێ جانێ خوە ژ دەست داینە
ناڤەندا جیولوجی یا ئەمریکا راگەهاند، د سەد سالێن بۆری دا بیڤەلەرزەکا وەسا بهێز یا وەکو دوهی ل مەغریبێ ل دەڤەرێ روو نەدایە و ژ بەر هندێ ژی زیانێن گەلەک مەزن گەهشتینە خەلکی و هەتا نها نێزیکی هزار کەسان جانێ خوە ژ دەست داینە و هژمارەک زێدە وەلاتی ژی بریندار بووینە، کار بۆ هندێ دهێتە کرن کو د کۆربەندێ ئابووری یێ بەرنیاس ب جی بیست کار بۆ هەڤکاریا وەلاتێ مەغریبێ بهێتە کرن.
بەرپرسێن وەلاتێ مەغریبێ ژی دیار دکەن، ژ بەر بیڤەلەرزێ ب هزاران ئاڤاهی خراب بووینە، هەتا نها نێزیکی هزار کەسان جانێ خوە ژ دەست داینە و گەلەک کەس بریندار بووینە، چارەنڤیسێ ب هزاران کەسان ژی هەتا نها دیار نینە، ژ بەر هندێ ژی ئەو پێدڤی ب هاریکاریا وەلاتێن جیهانێ نە.
