رەوش ل باژێرێ حەسەکێ ئالۆز دبیت
فەرماندارەکێ لەشکرێ سووریێ ل باژێرێ حەسەکێ فرنا هەری مەزن یا نانی یا وی باژێری کرە ژێر کۆنترۆلا خوە و هەروەسا راگەهاند بێی فەرمانا وان نابیت چو کارێن دی ل باژێری بهێنە کرن، ل هەمبەر هەلوەستێ فەرماندارێ لەشکرێ سووریێ هێزێن سووریا دیموکرات ژی ل چەندین تاخێن باژێری بجه بووینە و ژ بەر هندێ ژی نها رەوشا وی باژێری ئالۆزە.
ئەو یەک د دەمەکێ دایە کو پشتی ئالۆزیێن ڤێ دووماهیێ ل دێرازۆرێ چاڤدێرێن سیاسی دیار کربوون، رژێما بەشاری و چەکدارێن سەر ب ئیرانێ داخوازن ل رۆژئاڤایێ کوردستانێ و رۆژهەلاتێ فراتێ ئالۆزیێن نوو دروست بکەن، ژ بەر هندێ ژی بەری نها فەرماندارەکێ لەشکرێ ئەمریکا هۆشداری دابوو شامێ و هێزێن سەر ب ئیرانێ و دیار کربوو هەر ئالۆزیەک روو بدەت ئەو دێ ب توندی بەرسڤا وان دەن.
