ئیران: دڤێت ئەمریکا سۆزێن خوە بجهـ بینیت
ناسر کەنعانی پەیڤدارێ وەزارەتا دەرڤە یا ئیرانێ راگەهاند، وەکو پێنگاڤا ئێکێ یا رێککەفتنا وان ل گەل ئەمریکا، ئیرانێ ٥ گرتیێن ئەمریکا ئازاد کرن و ئەو یەک ژی نیەتا باش یا تەهرانێ ژ بۆ رێککەفتنا ل گەل ئەمریکا نیشا ددەت و نها ژی دڤێت ئەمریکا سۆزێن خوە بجه بینیت، دڤێت ئەمریکا هەموو سزایێن ئابووری یێن کو ل سەردەمێ ترامپی دا هاتینە سەپاندن هەلوەشینیت و هەروەسا ژ بۆ رێککەفتنا ئەتۆمی ژی دەست ب دانوستاندنان ل گەل تەهرانێ بکەت.
ئەو یەک د دەمەکێ دایە بەری نها بەرپرسەکێ وەزارەتا دەرڤە یا ئەمریکا دیار کربوو، وان چو رێککەفتنێن وەسا ل گەل ئیرانێ نینن، تنێ ئەمریکا دڤێت ل هەمبەر ئازادکرنا کۆژمەک ژ پارێن ئیرانێ، تەهران ژی هندەک ژ گرتیێن ئەمریکا ئازاد بکەت، وەکو دی ئەمریکا د رەوشا نها دا سەبارەت ب رێککەفتنا ئەتۆمی و راکرنا سزایێن ئابووری یێن ل سەر ئیرانێ چو دانوستاندنان ل گەل بەرپرسێن وی وەلاتی ناکەت، چونکی هەر رێککەفتنەکا نوو ل گەل ئیرانێ دشێت ببیتە ئەگەر ئاریشە بۆ هەڤپەیمانێن ئەمریکا ل رۆژهەلاتا ناڤین دروست ببن.
