سه‌رۆكێ تاجیكستانێ وه‌سفه‌كا تایبه‌ت دده‌ته داعش
ئه‌ڤرۆ نیوز: ڤه‌ده‌ر ره‌شاڤایی:
ل دوشانبا پایته‌ختێ تاجیكستانێ ب هه‌لكه‌فتا هاتنا رۆژا نێڤده‌وله‌تیا دایكێ سه‌رۆكێ وی وه‌لاتی گۆت: ئه‌و دایكێت زارۆكێن خوه دهنێرن دا شه‌ری بۆ داعش بكه‌ن و هه‌روه‌سا ئه‌و رێبه‌رزه‌یێن دچنه ناڤ داعش، ما نزانن كو ئیراق و سوریا دو ده‌وله‌تێن موسلمانن ؟
ئێمومه‌لی راخمون سه‌رۆكێ وه‌لاتێ تاجیكستانێ د گۆتاره‌كێ دا تیرۆرستێن داعش وه‌ك بكوژێن موسلمانان و جه‌هنه‌می وه‌سف كرن و گۆت كو هه‌ر كه‌سێ دناڤ رێزێن رێكخستیا تیرۆرستیا داعش شه‌ری بكه‌ت بكوژێ موسلمانایه و دۆژه‌هـ ل هیڤیا وانه.
راخمون خویاكر كو هه‌ررۆژ چه‌ندين موسلمان سه‌ر ده‌ستێن تیرۆرستان داعش دهێنه كوشتن له‌ورا بتنێ جه‌هنه‌م چاره‌نڤیسێ داعشه.
تێ زانین حكومه‌تا تاجیكستانێ راگه‌هاندبوو كو پتری 300 وه‌لاتیێن تاجیكی گه‌هشتینه داعش و به‌ری چه‌نده‌كێ 19 داعشێن تاجیكی ل ئیراقێ هاتبوونه كوشتن.
