ب سەد هزاران کورد و ئەرمەنی ل قەرەباغێ کۆچبەر دبن
ئه‌رمه‌نیێن قه‌ره‌باغا چیایی پشتی شکه‌ستنا ل هه‌مبه‌ر ئازه‌ریان قه‌بوول کرن کو چه‌کێن خوه رادەست بکه‌ن و به‌ر ب ئه‌رمه‌نستانێ ڤە کۆچ بکه‌ن. ل گۆر ئاژانسێن هه‌رێمی د قۆناغا یه‌کێ دا دێ سه‌د و بیست هزار ئه‌رمه‌نیێن ل قه‌ره‌باغێ ده‌ست ژ وارێن خوه به‌ردەن و به‌ر ب ئه‌رمه‌نستانێ ڤه کۆچ بکه‌ن. ب ڤێ یه‌کێ ئه‌رمه‌نیان شکه‌ستنا خوه ل قه‌ره‌باغێ قه‌بوول دکه‌ن.
پشتی شه‌رێ یه‌ک رۆژی ل قه‌ره‌باغێ هێزێن ئه‌رمه‌نی هه‌موو سه‌نگه‌رێن خوه ژ ده‌ست دان و ب ناڤبژیڤانیا رۆسیا ده‌ست ژ چه‌کێن خوه به‌ردان و مال و ملکێن خوه بجه هێلان. ل هه‌مبه‌ر شکه‌ستنا ئه‌رمه‌نیێن ل قه‌ره‌باغێ ل ئه‌رمه‌نستانێ ده‌ستهه‌لات و ئۆپۆزسیۆن هه‌ڤدو تاوانبار دکه‌ن و پشکا هه‌ری گرنگ یا لەشکرێ ئه‌رمه‌نستانێ هه‌ول دان کۆده‌تایه‌کا سه‌ربازی ل دژی نیکۆل پاشینیان سه‌رۆک وه‌زیرێن ئه‌رمه‌نستانێ و ده‌ستهه‌لاتا وی ئه‌نجام بده‌ن، لێ به‌ری کو ده‌ست ب کۆده‌تایێ بکەن هه‌شت جەنەرالێن لەشکرێ ئه‌رمه‌نستانێ ژ ئالیێ هێزێن ئێمناهیێ یێن ئه‌رمه‌نستانێ ڤه هاتنە ده‌ستسه‌ر کرن.
هه‌روه‌سا پرانیا کوردێن ل قه‌ره‌باغێ ژی به‌رێ خوه دانە ئه‌رمه‌نستانێ و کوردستانا سۆر ب ته‌مامی ڤالا کرینه.
