ئسرائیلێ جارەکا دی ئێرشی شامێ کر
دەزگەهێن راگەهاندنا سووریێ دیار کرن دوهی لەشکرێ ئسرائیلێ جارەکا دی ئێرشی چەندین بنگەهێن سەربازی ل شامێ کرینە و د ئەنجاما ئێرشێن ئسرائیلێ دا چەندین کەسان جانێ خوە ژ دەست داینە و هندەک کەسێن دی ژی بریندار بووینە.
ل ئالیێ دی فەرماندارەکێ لەشکرێ ئسرائیلێ ژی دیار کریە، وان ل شامێ ئێرشی چەند بنگەهێن نوو یێن سەربازی یێن ئیرانێ کرینە و د ئەنجاما ئێرشان دا بنگەهێن سەربازی یێن ئیرانێ ب تەمامی هاتینە ژناڤبرن و گەلەک کەس ژی هاتینە کوشتن، لێ هەتا نها نە بەرپرسێن سووریێ و نە ژی بەرپرسێن ئیرانێ بەرهەڤ نینن راستیێن هەی بۆ رایا گشتی ئاشکرا کەن.
هەمان فەرمانداری ئەو یەک ژی دیار کریە، ئیران ل هەر جهەکێ مەترسیێ بۆ بەرژەوەندیێن ئسرائیلێ دروست کەت ئەو دێ ئێرشی هەمان جهی کەن و ناهێلن ئیران ئاخا سووریێ و لوبنانێ ل دژی ئسرائیلێ بکار بینیت، ژ بۆ هندێ ژی هێزێن ئسرائیلێ بەردەوام د ئامادەباشیێ دانە.
