بريتانيا: حوكمه‌تا سوريا په‌ترۆلێ ژ داعش دكريت
ئه‌ڤرۆ نيوز:
حوكمه‌تا بريتانيا رژێما سوريا تۆمه‌تبار دكه‌ت ب كرينا په‌ترۆلێ ژ رێكخستيا داعش و شه‌رێ د ناڤبه‌را وان هه‌ردو لايان دا ب دره‌و ناڤ دبه‌ت.
فليپ هامۆند، وه‌زيرێ ژ ده‌رڤه يێ بريتانيا د په‌يامه‌كێ دا راگه‌هاند، رژێما به‌شاد ئه‌سه‌د د رێيا ناڤه‌ندگرێن خوه ڤه ئه‌وێ په‌ترۆلا داعش دكريت ئه‌وا ل ژێر ده‌ستێ وان ده‌ردئينيت. ئێكه‌تيا ئه‌ورۆپا ژى ناڤێ ليسته‌كا نوو يا ئه‌وان كۆمپانى و كه‌ساتيان راگه‌هاند كو ئابلۆقه خستيه سه‌ر ژ ئه‌گه‌رێ كاركرنێ بۆ به‌رژوه‌نديێن سوريا و 13 كۆمپانى و كه‌ساتيان ب خوه ڤه دگريت و ناڤ وان ژى دا جورج حسوانى يێ سه‌رمايه‌دار كو تۆمه‌تباره ب ناڤه‌ندگريێ ل دناڤبه‌را داعش و حوكمه‌تا به‌شار ئه‌سه‌د دا.
ده‌رباره‌يى ليستا نوو وه‌زيرێ ژ ده‌رڤه يێ بريتانيا ژى راگه‌هاند، ليستا وه‌سان ده‌ردئێخيت كو شه‌رێ به‌شار ئه‌سه‌د ل گه‌ل داعش چو نينه ژبلى دره‌وان و سوز ژى دا گڤاشتنێن زێده‌تر بێخيته سه‌ر رژێما سوريا هه‌تا هه‌لويستێ خوه د گوهۆڕيت و سنوره‌كى بۆ توندوتيژيان ددانيت و دانوستانێن دروست ل گه‌ل ئۆپۆزسيۆنا ميناڕه‌ۆ دكه‌ت.
