نه‌رویج دێ 50 راوێژكارێن سه‌ربازى هنێریته كوردستانێ
ئه‌ڤرۆ نیوز:
وه‌زاره‌تا به‌ره‌ڤانیا نه‌رویج راگه‌هاند وان بریار دایه 50 راوێژكارێن سه‌ربازى ره‌وانه‌ى هه‌رێما كوردستانێ بكه‌ت بۆ راهێنانا هێزێن پێشمه‌رگه‌ى د شه‌رێ دژى داعش دا.
وه‌زاره‌تا به‌ره‌ڤانیا نه‌رویج به‌حسێ وێ چه‌ندێ ژى كریه كو ڤان 50 سه‌ربازان به‌رى نوكه ل هێزا پیاده یا سوپایێ نه‌رویج پشكداربووینه د شه‌رێ ئه‌فغانستانێ دا وه‌ك پشكه‌ك ژ هێزا ناتو دژى چه‌كدارێن تالیبان.
وه‌زاره‌تا به‌ره‌ڤانیا نه‌رویج ژڤانێ هنارتنا سه‌ربازان راگه‌هاندیه كو دێ ل هه‌یڤا 4 یا ئه‌ڤ ساله هێنه هه‌رێمێ، هه‌روه‌سا دێ چه‌ند راوێژكارێن سه‌ربازى ره‌وانه‌ى به‌غدا ژى كه‌ت بۆ راهێنانا هێزێن عیراقى.
