جڤاکێ نێڤدەولەتی ل هەمبەر زۆرداریا ئسرائیلێ یا بێدەنگە
وەزیرێ دەرڤە یێ ئیرانێ د داخۆیانیەکێ دا راگەهاند، ئەمریکا دو پەیام داینە ئیرانێ و داخواز ژ ئیرانێ کریە کو نەبیتە پشکەک ژ شەرێ نها ل غەزە، چونکی ئەو یەک د بەرژەوەندیا چو ئالیەکێ دا نینە و هەروەسا داخواز ژ ئیرانێ هاتیە کرن رۆلێ خوە بۆ راگرتنا شەری و ئازادکرنا وان کەسان بگێریت یێن نها د دەستێ حەماسێ دانە.
حسێن ئەمریکا عەبدوللاهیان ئەو یەک ژی دیار کر، دڤێت بەری هەر تشتەکێ ئەمریکا داخواز ژ ئسرائیلێ بکەت دا ئێرشێن ل سەر غەزە بدەتە راگرتن، چونکی مە دڤێت هاریکاریێن مرۆڤی بگەهیننە غەزە، لێ ژ بەر شەری هەتا نها ئەو یەک نەهاتیە کرن، دڤێت ئسرائیل ئاستەنگیان ل هەمبەر چووینا هاریکاریان بۆ غەزە دروست نەکەت.
وەزیرێ دەرڤە یێ ئیرانێ ئەو یەک ژی دیار کر، ئسرائیلێ ئاخا خەلکێ فەلەستینێ داگیر کریە، د دەمەکێ وەسا دا مافێ رەوا یێ خەلکێ فەلەستینێ یە کو بەرگریێ بکەن، دڤێت جڤاکێ نێڤدەولەتی ژی ل هەمبەر زۆلم و زۆرداریا ئسرائیلێ بێدەنگ نەبیت و خوەدان هەلوەست بیت.
