ئیران: مە خوە بۆ هەر ئەگەرەکێ بەرهەڤ کریە
پەیڤدارێ وەزارەتا دەرڤە یا ئیرانێ راگەهاند، شەرێ نها ل غەزە ب دژواری بەردەوام دکەت، ئسرائیل ب هەموو شیانێن خوە ئێرشی خەلکێ سڤیل دکەت، ل هەمبەر ئسرائیلێ بەرخوەدانەکا دیرۆکی دهێتە کرن، مخابن جڤاکێ نێڤدەولەتی ل هەمبەر تاوانێن ئسرائیلێ بێدەنگە، ئەو یەک ژی شەرمەکا مەزنە، یێن بەحسێ مافێن مرۆڤی دکەن ل هەمبەر کوشتنا زارۆیان ژی خوە بێدەنگ کرینە.
ناسر کەنعانی ئەو یەک ژی دیار کر، هەکە ئەمریکا بڤێت دەستێوەردانێ د شەرێ نها دا بکەت و سنۆرەکێ بۆ ئسرائیلی نەدانێت، بێگومان دێ شەر ژی بەرفرەهتر لێ هێت، وەکو ئیران مە خوە بۆ هەر ئەگەرەکێ بەرهەڤ کریە، ژ بەر هندێ ژی باشترە سنۆرەک بۆ ئسرائیلێ بهێتە دان، نابیت جیهان ل هەمبەر کوشتنا خەلکێ سڤیل ل غەزە خوە بێدەنگ بکەت.
