بسپۆرەک: رۆسیا دڤێت حەماسێ ل دژی ئەمریکا بکار بینیت
فەهیم تاشتەکین بسپۆرێ کاروبارێن سیاسی راگەهاند، ئەمریکا ژ بەر شەرێ ئۆکرانیایێ گەلەک کارت ل دژی رۆسیا بکار ئینان و بێگومان ئەمریکا نها کار بۆ گەلەک گوهۆڕینان ل رۆژهەلاتا ناڤین دکەت، ئەمریکا دڤێت سیستەمێ نها ل رۆژهەلاتا ناڤین بگوهۆڕیت، دیارە رۆسیا ژی ل دژی ئەمریکا کار دکەت، رۆسیا ل گەل چینێ و ئیرانێ کار بۆ ژناڤبرنا بەرنامێن ئەمریکا دکەت، ئەو یەک گەلەک ئاشکرایە، لێ پشتی شەرێ د ناڤبەرا ئسرائیلێ و حەماسێ دا نها رۆسیا دڤێت حەماسێ ژی ل دژی ئەمریکا و بەرژەوەندیێن وێ بکار بینیت، ئەو یەک ژی نیشا ددەت شەرێ نها د ناڤبەرا حەماسێ و ئسرائیلێ دا دێ یا بەردەوام بیت.
ناڤهاتی ئەو یەک ژی دیار کریە، رۆسیا دێ هەموو کارتێن ل بەر دەست ل دژی ئەمریکا و هەڤپەیمانێن وێ ل دەڤەرێ بکار ئینیت، چونکی ژ بلی رۆسیا گەلەک وەلاتێن دی ل رۆژهەلاتا ناڤین ژ سیاسەتا نها یا ئەمریکا د رازی نینن، هەبوونا وان ژی کارتەکێ بهێزە د دەستێ رۆسیا دا و رۆسیا ژی دڤێت وان کارتان هەموویێ ل دژی ئەمریکا بکار بینیت.
