پێشمه‌رگه‌يى ل ڤى سنورى ده‌ست ب هێرشێ كر
ئه‌ڤرۆ نيوز:
ب مه‌ره‌ما پاراستنا روونشتڤانێن چه‌ند گۆندان، هێزه‌كا پێشمه‌رگێ كوردستانێ ل چه‌ند ده‌ڤه‌رێن ميحوه‌رێ گوێر ده‌ست ب پێشره‌ويێ كر.
حاكم جه‌مال جه‌لال ئێك ژ فه‌رماندێن هێزێن پێشمه‌رگێ كوردستانێ، ل ميحوه‌رێ گوێر بۆ باسنيوز گۆت: “هێزێن پێشمه‌رگه‌يێ كوردستانێ ل هه‌ردو ده‌ڤه‌رێن “سوفه‌يه، خاله‌ند” كو ژ روويێ له‌شكرى ڤه سه‌ر ب ميحوه‌رێ گوێرن، پێشڤه‌چوون كريه و سێ كيلۆمه‌تران چووينه پێش كو گه‌هشتينه سه‌ر رووبارى”.
زێده‌تر گۆت: “ب ڤێ چه‌ندێ ژى دێ شێين وان ده‌ڤه‌ران باشتر پارێزين، به‌لێ نوكه ناڤبه‌را مه و داعش گه‌له‌ك يا كێم بوويى”
ئه‌وى فه‌رماندێ پێشمه‌رگه‌يى ئاماژه ب وێ چه‌ندێ ژى كر كو ل ده‌مێ ئه‌نجامدانا وێ پێشڤه‌چوونێ رووى ب رووى به‌رسڤدانه‌كا كێم يا چه‌كدارێن داعش ل وان ده‌ڤه‌را بوون و نوكه هه‌موو جهێن ستراتيژى ل ميحوه‌رى ل بن كونترۆلا هێزا پێشمه‌رگه‌يى نه”.
