پشتی چەندین جاران ئەم ژ گوندی هاتینە دوورخستن و دەركرن ل سالا 1965 خانیێ مە ل بەر چاڤێن مە سۆت
دیدار، سالار محەمەد دۆسكی:
1-2
پێشمەرگەیێ شۆڕەشا گولانێ، محەمەد سلێمان حاجی سلێڤانەی د دیدارەكێ دا ل گەل رۆژناما ئەڤرۆ گۆت: ل سالا 1959ێ ل گوندێ باوەركێ ل دەڤەرا سلێڤانەی ژ خێزانەكا كورد پەروەر ژ دایك بوویە، ناڤبری دیاركر كو بابێ وی كەسەكێ دەولەمەند بوو و لدەسپێكێ كارێ بازرگانی دكر، و تایبەتت كرین و فرۆتنا گەنمی، و دیسا دوكان ل گوندی هەبوو و پەیوەندیێن باش ل گەل خەلكێ گوندی و دەڤەرێ ب گشتی هەبوون، و مرۆڤەكێ خواندەڤا بوو، و (300) دونەمێن عەردی وەك چاندن هەبوو، بەری هاتنا خودێ ژێ رازی (مەلا مستەفا)ی ژ ئێكەتیا سوڤیێت بۆ دەڤەرێ بابێ من ب رێكا (صالح یوسفی و مەلا عەبدولرەحمان) پەیوەندی ل گەل پارتی دیموكراتی كوردستان هەبووینە، (مەلا سەلیم) گوتاربێژ و پێشنڤێژ گوندی بوو، ئەوی پێشتر پەیوەندی ل گەل پارتی هەبووینە و دنهێنی بووینە، و بابێ من كادرەكێ چالاك بوو ل دەڤەرێ لەوما ل سالا 1958 دهێتە دەستەسەركرن و زیندانكرن، ودووڤدا بەرامبەر (300) دیناران و ب كەفالەت دهێتە ئازاكرن، ب وی مەرجی بۆ ماوێ سالەكێ پەیوەندیێ ل گەل چ پارتێن سیاسی نەكەت، ل سالا 1959 ژ گوندی دهێینە دروخستن و بۆ چەندین جاران و تایبەت پشتی شۆڕەشا ئیلۆنێ مالا مە دهێتە تالانكرن، و ل سالا 1965 خانیێ مە ل پێش چاڤێ مە دهێتە سۆتن و ب ترۆمبێلێن لەشكری دهێنە ڤەگوهاستن بۆ ناحیا (ئاسهێ)، چونكە بابێ منێ خواندەڤا بوو و كەسەكێ بەرنیاس بوو ئێكسەر بوو بەرپرسێ رێكخراوەكێ و یێ بەردەوام بوو هەتا سالا 1975 قەستا وەلاتێ ئیرانێ دكەت، و ل سالا 1991 و پشتی سەرهلدانا پیرۆز ڤەدگەرنە كوردستانێ.
محەمەد سلێمان زێدەتر گۆت: دووڤدا هاتینە دەركرن ڤە ل سەر گوندێ خوە و چووینە ناڤ (سندی و گولیان) هەتا پشتی بەیانا 11ی ئادارێ سالا 1970 و جارەكا دی ڤەگەریاینە سەر گوندی، و سالا 1974 چووینە ناڤ گولیان ڤە و دووڤدا سالا 1975 چووینە ئیرانێ ، ل سالا 1979 ئێكەم رێكخراو حزبی ل (تەبرێزێ) هاتە دروستكرن، كو ژ ئەڤان كەسان پێك دهات(ئەزبووم، چەتو، محەمەد، شێخ محەمەد، عزیز، بهجت رسول، سەعید یوسف سیاری) ناڤێ رێكخراوێ(تەبرێز) بوومە بەرپرسێ شانا سارەكی و سالا 1980 بوومە پێشمەرگە و ئێكسەر بوومە بەرپرسێ كارگێریێ بارەگایی بووم، ل گەل مولازم محەمەد و دووڤدا هاتمە ڤەگوهاستن وبەرپرسێ رێكخراوێ بووم، و لژنا ئازادی هەبوو، بوومە بەرپرسێ رێكخراوا (قەندیل) هەتا سالا 1985ێ و ئەوان سالان دا چەندین شەران پشكداربووم
هەمان پێشمەرگە گۆت: ل سالا 1985ێ هاتمە لقێ ئێك وەك بەرپرسێ لەشكری هاتمەدانان، و سالا 1986- 1987 دەمێ سەرۆك (مەسعود بارزانی) سەرەدانا لقێ ئێك كری ، جەنابێ وی كرمە نوونەرێ لقێ ئێك ل مەكتەبا سیاسی یا پارتی دیموكراتی كوردستان و چەك و دەرمان و هەر تشتەكێ مەكتەبا سیاسی هنارت با ب رێكا من بوون، و من گەهاندنە (گەلیێ رەش) دەڤەرا بارزان و دووڤدا (گەلیێ شێخانوكێ) و من رادەستی هەڤالێن لقێ دكرن، و بەردەوام بووم هەتا سالا 1988ێ، هەمان سالا ل ئەنفالان ل (دەرە شێخ بووین) ل بارەگایێ سەرۆكی بووین، و (قادر قاچاخ، فەتەح گولی ، ل گەل من ) مالێن مە ل ئیرانێ بوون، و 56 پێشمەرگە مالێن وان ل ئیرانێ بوون و دەڤەرا بارزان هاتبوو گرتن و توركیا رێك نەدامە بچینە سنورێ لقێ ئێك و ئەوا دگۆت بیێ چەك دروستە و ئەم بێی چەك نەدچووین، و 30/8/ 1988 جەنابێ نێچیرڤان بارزانی گازی كرین (قارقاچ، محەمەد حەمدی، فەتەح گولی و ئەز) گۆت خوە بەرهەف بكەن دێ سوبە هەوە هنێرم هەتا دەڤەرا دوسكی ژووریا و دێ چنە ناڤ لقێ ئێك و ئارمانج چوونا هەوە مە دڤێـت ئاخا كوردستانا عیراقێ ئێك كلیومەتران دەستێ مە دابیت، چونكە گەلەك پێشمەرگە ل چیایی دا ماینە و دڤێت جهەك هەبیت خوە پێ بگرن، یا دووێ دا بشێن وەك ڕاگەهاندنێ دا بێژین لقێ ئێك ل قادا خەباتێ دایە، یا سیێ دا شێوازا رێكخستنێ خوە گرێدەینە ڤە، یا چارێ دێ بیتە دەسپێكەك بۆ ئەنجامدانا چالاكیێن لەشكری، لەوما گرنگە بارەگایێ لقێ ئێك بمینت و خوە ب پارێزن و ل گەل پارتێن سیاسی كوردی ل دەڤەرێ و هەوە مافێ بەرەڤانیێ نینە ژ خوە بكەن، هەتا كوشتن ژ هەوە بهێتەكرن، و ژڤان بوو 31/8/1988 ب ترۆمبێلەكێ ب رێكەڤین و بهێنە دەڤەرێ و دووڤدا پێشمەرگەیێ لقێ ئێك خوە نەرازی كر و خواستن ئەو ژی ب ترۆمبێلا بهێن، و هوسا هاتە دیاركرن كو شیانێن گرتنا گەلەك ترۆمبێلا نینە، لەوما ل گەل پێشمەرگەی ب پیا چووین و سێ رێبەر ل گەل مە بوون، كو ل دەڤەرێ دشارەزابوون، شەش شەڤا بەری مەغرەب هەتا رۆژ دەركەڤت ئەم ب پیا دچووین و ئەم 60 پێشمەرگە بووین، و دەمێ گەهشتینە گەلیێ (ساتێ) مە شەرەك كر و مە هاڤێتە لەشكرێ ئیراقێ و مە شەهیدەك دا بناڤێ( عادل) قاچاخ ل گەل چار پێشمەرگان بریندار بوون، و هەتا رەوانەكرن بۆ توركیا و دەمێ سپێدێ گەهشتینە وێ دەڤەرێ خودێ ژێ رازی (حەجی عەمەر شەیتنسی) ل دەڤەرێ بوو،
