ئێکەتیا ئۆرۆپا دڤێت رێگریێ ل پێلەکا نوو یا هاتنا پەنابەران بکەت
دەزگەهێن راگەهاندنا ئۆرۆپا دیار دکەن، ئالۆزیێن ڤێ دووماهیێ ل رۆژهەلاتا ناڤین ب تایبەتی ژی شەرێ نها د ناڤبەرا حەماسێ و ئسرائیلێ دا دێ کاریگەریا خوە ل هەموو رۆژهەلاتا ناڤین کەت و دێ رەوشا هەی ئالۆزتر لێ کەت، ژ بەر ڤێ یەکێ ژی دبیت ب هزاران وەلاتی ل وەلاتێن جودا جودا یێن رۆژهەلاتا ناڤین جارەکا دی بەرێ خوە بدەنە ئۆرۆپا، ئەو یەک ژی یا چاڤەرێ کریە.
ل گۆر دەزگەهێن راگەهاندنا ئۆرۆپا ژ بەر قەیرانا ئابووری و گەلەک ئاریشێن دی ئێدی وەلاتێن ئێکەتیا ئۆرۆپا بەرهەڤ نینن وەکو جاران پەنابەران وەربگرن، ژ بەر ڤێ یەکێ ژی نها هەموو وەلاتێن ئێکەتیا ئۆرۆپا پێکڤە دخوازن رێگریێ ل هاتنا پێلەکا نوو یا پەنابەران بۆ ئۆرۆپا بکەن، لێ هەتا نها ل دۆر چاوانیا پێکڤە کارکرنێ یان ژی دەرخستنا هندەک قانوونێن نوو ئاریشە د ناڤبەرا وەلاتێن ئێکەتیا ئۆرۆپا دا هەنە و رەنگە د چەند رۆژێن بهێت دا وەزیرێن دەرڤە یێن وەلاتێن ئێکەتیا ئۆرۆپا ل دۆر پرسا پەنابەران کۆمبن.
