ئەمریکا: نابیت جارەکا دی غەزە بکەڤیتە ژێر کۆنترۆلا حەماسێ
پەیڤدارێ وەزارەتا دەرڤە یا ئەمریکا دیار کر، رەوشا نها یا غەزە گەلەک خرابە و رۆژانە وەلاتیێن سڤیل دبنە قوربانی، وەکو ئەمریکا وان دەست ب بزاڤەکا مەزن یا کری دا ئاگربەست ل غەزە بهێتە راگەهاندن، لێ مخابن هەتا نها ژی شەر بەردەوامە و وەلاتیێن سڤیل دبنە قوربانی.
ماتیو میلەر ئەو یەک ژی دیار کر، پشتی ب دووماهی هاتنا شەرێ غەزە ئێدی ئەو قەبوول ناکەن ب چو رەنگەکێ حەماس ڤەگەریتە غەزە و ل وێرێ بهێتە سەر دەستهەلاتێ، دڤێت غەزە ڤەگەریتە ڤە ژێر کۆنترۆلا دەستهەلاتا فەلەستینێ، چونکی هەتا غەزە ل ژێر کۆنترۆلا حەماسێ بیت دێ هەردەم ئالۆزی دروست بن، دڤێت بابەتێ غەزە ب تەمامی بهێتە چارەسەرکرن، نابیت ئێدی ب چو رەنگەکێ حەماس ل غەزە یا دەستهەلاتدار بیت، ئەو یەک دێ رەوشا هەی ژی پتر ئالۆز کەت.
