هژمارەکا زێدە رۆژنامەڤان ل غەزە هاتینە کوشتن
سازیا رۆژنامەڤانێن بێ سنۆر راگەهاند، د شەرێ هەتا نها ل غەزە دا ٦١ رۆژنامەڤانان جانێ خوە ژ دەست داینە، گەلەک رۆژنامەڤان بریندار بووینە و چارەنڤیسێ ١٥ رۆژنامەڤانان ژی هەتا نها دیار نینە، ئەو یەک ژی نیشا ددەت د شەری دا هەموو رێک دهێنە بکارئینان و هەر دو ئالی ژی مافێ رۆژنامەڤانان بنپێ دکەن و رێزێ ل کارێ رۆژنامەڤانان ناگرن.
هەمان سازیێ ئەو یەک ژی دیار کریە، بەری نها وان داخواز ژ هەموو دەزگەهێن راگەهاندنێ کرینە، دەمێ کو رۆژنامەڤانان رەوانەی دەڤەرێن شەری دکەن بلا خالا هەری گرنگ پاراستنا جانێ رۆژنامەڤانان بیت، لێ مخابن هەم سازیێن راگەهاندنێ و هەم ژی رۆژنامەڤان بخوە بۆ پاراستنا جانێ خوە یا پێدڤی ناکەن، دڤێت رۆژنامەڤان خوە نێزیکی دەڤەرێن شەری نەکەن و بزاڤا هندێ بکەن ژ دوور ڤە دیمەنان بگرن یان ژی راپۆرتان ئامادە بکەن، چونکی مخابن د شەران دا هەردەم رۆژنامەڤان ژی دبنە قوربانی.
