ماکرۆن: هەلوەستێ ئسرائیلێ دێ بیتە ئەگەرێ شەڕەکێ دەمدرێژ
ئیمانوێل ماکرۆن سەرۆکێ فرەنسا د داخۆیانیەکێ دا سەبارەت ب هەلوەستێ بەرپرسین ئسرائیلێ ل دۆر ژناڤبرنا حەماسێ دیار کر، گەلەک زەحمەتە حەماس ژناڤ بچیت، بەرپرسێن ئسرائیلێ دبێژن هەتا ئەو حەماسێ ب تەمامی ژناڤ نەبەن دێ شەر ژی بەردەوام بیت، وی دەمی دبیت شەر ب سالان ڤەکێشیت، هەتا ١٠ سالان ژی بەردەوام بکەت، ئەو یەک دێ کاریگەریەکا گەلەک خراب ل رۆژهەلاتا ناڤین کەت، رەنگە شەر گەلەک بەرفرەهتر ببیت و هندەک وەلاتێن دی ژی پشکداریێ تێدا بکەن، ئەو یەک ژی د بەرژەوەندیا چو ئالیەکێ دا نینە.
سەرۆکێ فرەنسا ئەو یەک ژی دیار کر، دڤێت هەموو ئالی کار بۆ راگرتنا شەری و چارەسەریەکا سیاسی بکەن، چونکی پرسا فەلەستینێ ب سالانە یا هەی و کاریگەریا خوە ل رۆژهەلاتا ناڤین ژی کریە، ئسرائیل و حەماس یان ژی هەر ئالیەکێ دی نەشێن ب شەری بگەهنە ئارمانجێن خوە، ژ بەر ڤێ یەکێ ژی گەلەک یا گرنگە شەر بهێتە راگرتن.
