ئەمریکا سەبارەت ب ئێرشێن ڤێ دووماهیێ هۆشداریێ ددەتە ئیرانێ
شیرەتکارێ ئاسایشا نەتەوەیی یا کۆچکا سپی جاک سولیڤان د داخۆیانیەکێ دا راگەهاند، ئەو ئیرانێ وەکو بەرپرسیارێ سەرەکی یێ ئێرشێن ڤێ دووماهیێ یێن ل سەر گەشتیێن بازرگانی ل دەریا سور دبینن و دڤێت ئیران دەست ژ کارێن خوە یێن تێکدەرانە بەردەت، چونکی ئەمریکا ئەو شیان یێت هەین و دشێت ل هەر جهەکێ ئێرشی ئیرانێ و هێزێن سەر ب وێ بکەت.
ناڤهاتی ئەو یەک ژی دیار کر، وەکو ئەمریکا نها ئەو ل گەل هێزێن دی پێکڤە کار دکەن دا هەڤپەیمانیەکا نێڤدەولەتی بۆ پاراستنا گەمیان ل دەریا سور ئاڤا بکەن، چونکی نها مەترسی ل سەر گەمیان هەیە و حوسییێن یەمەنێ ب چەکێ ئیرانێ ئێرشی گەمیان دکەن، ئەو یەک دێ رێ بۆ ئالۆزیێن نوو ڤەکەت، هەکە ئیران ل سەر ڤان کریارێن خوە بەردەوام بیت دێ ب توندی بەرسڤا ئیرانێ دەن.
