ئسرائیل: هەتا نەگەهینە ئارمانجێن خوە شەڕ دێ بەردەوام بیت
وەزارەتا بەرگریێ یا ئسرائیلێ راگەهاند هێزێن وان شیاینە د دەمێ چەند رۆژێن بۆری دا ل باکورێ غەزە سەرکەفتنێن مەزن تۆمار بکەن، وەکو ئسرائیلێ وان هندەک ئارمانجێن دیارکری ل غەزە هەنە و هەتا نەگەهنە ئارمانجێن خوە شەرێ نها دێ بەردەوام بیت.
ل ئالیێ دی نەتەوەیێن ئێکگرتی داخواز ژ ئسرائیلێ و حەماسێ کر کو د زووترین دەم دا شەرێ نها راگرتن، چونکی ژ بەر شەری زیانێن گەلەک مەزن گەهشتینە وەلاتیێن سڤیل و هزاران وەلاتی ل غەزە بووینە قوربانی، ب هزاران کەس ژی بریندارن، پێدڤیا برینداران ب دەرمانی و خوارنێ هەیە، لێ مخابن ژ بەر شەری هاریکاری و دەرمان ناگەهنە غەزە، ئەو یەک دێ بیتە ئەگەرێ روودانا کارەساتێن مەزن، ژ بەر ڤێ یەکێ ژی دڤێت ئسرائیل و حەماس دەست ب قۆناغەکا نوو بکەن و شەری راگرن.
بەری نها سەرۆکێ فرەنسا ژی دیار کربوو هەکە ئارمانجا ئسرائیلێ ژناڤبرنا حەماسی بیت ئەو یەک ب ساناهی نینە و دێ بیتە ئەگەرێ شەرەکێ دەمدرێژ.
