ئەمریکا ل دۆر شەڕێ غەزە داخوازەکێ ژ ئسرائیلێ دکەت
بەرپرسەکێ وەزارەتا دەرڤە یا ئەمریکا بۆ رۆژناما واشنتۆن پۆست یا وی وەلاتی دیار کریە، د سەرەدانا خوە یا هەری دووماهیێ دا وەزیرێ دەرڤە یێ ئەمریکا داخواز ژ بنیامین نەتانیاهۆ سەرۆک وەزیرێن ئسرائیلێ کریە کو دڤێت بەری هاتنا سالا نوو ئسرائیل دووماهیێ ب ئێرشێن خوە یێن ل سەر غەزە بینیت.
هەمان رۆژنامێ ئەو یەک ژی دیار کریە ئیدارا بایدن وەسا دبینیت هەتا سەرێ سالێ هەکە ئسرائیلێ شیا بگەهیتە هندەک ئارمانجێن خوە دڤێت ئێدی شەری ب دووماهی بینیت، چونکی درێژبوونا شەری دشێت ئەنجامێن خوە یێن خراب بۆ بەرژەوەندیا ئەمریکا ل رۆژهەلاتا ناڤین هەبیت.
