سالا 2023 ژ بۆ رۆژنامه‌ڤانان ساله‌کا گه‌له‌ک خراب بوو
ب، سه‌رجان مەحمود:
فید‌راسیۆنا نێڤده‌وله‌تی یا رۆژنامه‌ڤانان، د داخۆیانیه‌کێ دا راگه‌هاند کو ل غەزە و ئۆکرانیایێ هژماره‌ک زێده رۆژنامه‌ڤان هاتینە کوشتن، رۆژنامه‌ڤان هه‌ول دده‌ن کارێن خوه یێن راگه‌هاندنێ ئه‌نجام بده‌ن، لێ د ده‌مێ بجهئینانا ئه‌رکێن خوه دا رۆژنامه‌ڤان دبنە ئارمانجا ئێرشێن ئالیێن شه‌ڕی و ئه‌ڤسالە ژ به‌ر شه‌رێن ل غەزه‌یێ و ئۆکرانیایێ هژمارا رۆژنامه‌ڤانێن کو هاتینە کوشتن گەهشتیە 94 کەسان و د هه‌مان ده‌می دا 393 رۆژنامه‌ڤان ژی ل سالا 2023 هاتینه ده‌سته‌سه‌ر کرن.
فید‌راسیۆنا نێڤده‌وله‌تی یا رۆژنامەڤانان هه‌روه‌سا ئاماژە ب ڤێ یەکێ ژی کریە کو دڤێت د ئاستێ نێڤده‌وله‌تی دا بۆ پاراستنا رۆژنامه‌ڤانان پێنگاڤ بهێنه ئاڤێتن، چونکی رۆژنامه‌ڤان هه‌ول ددەن زانیاریێن راست بگەهیننە خەلکی و ئەو یەک ژی بێگومان کارەک گەلەک گرنگە. لێ دڤێت جڤاکێ نێڤده‌وله‌تی ب ڕه‌نگه‌کی جددی کار بۆ پاراستنا ژیانا رۆژنامەڤانان بکەت، مخابن ئەڤسالە بۆ رۆژنامەڤانان سالەکا گەلەک خراب بوو و ئەم هێڤیدارین سالا بهێت هەموو وەلاتێن جیهانێ پێکڤە کار بۆ پاراستنا جانێ رۆژنامەڤانان بکەن و د هەمان دەمی دا دڤێت سازیێن راگەهاندنێ ژی پتر گرنگیێ بدەنە پاراستنا جانێ رۆژنامەڤانان.
