پۆتین نەچارە ل گەل ئۆکرانیایێ دانوستاندنان بکەت
سکرتێرێ گشتی یێ ناتۆیێ د داخۆیانیەکێ دا راگەهاند، ئەوا پۆتینی دڤیا نەشیا ب شەڕی بدەستڤە بینیت و نها ژی پۆتین دبێژیت ئەو بەرهەڤن ل گەل ئۆکرانیایێ دەست ب دانوستاندنان بکەن، بێگومان پۆتین ب وی شەڕێ کو ل دژی ئۆکرانیایێ کری ئەو وەلاتە ب تەمامی ژ دەست دا، ب سالان کین و نفرەتا خەلکێ ئۆکرانیایێ ل هەمبەر رۆسیا دێ یا بەردەوام بیت و نها ژی ژ بلی دانوستاندنان چو رێیەکا دی ل هەمبەر رۆسیا و پۆتینی نەمایە.
یانس ستۆلتێنبێرگ ئەو یەک ژی دیار کر، ناتۆ هەتا نها ب رەنگەکێ باش هاریکاریا ئۆکرانیایێ یا کری، رۆسیا ژی نەشیا د شەڕی دا سەرکەفتی بیت و زیانێن گەلەک مەزن گەهشتینە هێزێن رۆسیا، ژ بەر ڤێ یەکێ ژی نها پۆتین نەچارە داخوازا دانوستاندنان بکەت.
