ئەمریکا جارەکا دی هۆشداریێ ددەتە ئیرانێ
وەزارەتا بەرگریێ یا ئەمریکا د داخۆیانیەکێ دا راگەهاند چەند رۆژن گرۆپێن چەکدارێن سەر ب ئیرانێ ل سووریێ ئێرشی بنگەهێن وان دکەن و بەری دو رۆژان ژی دو درۆنێن وان ل نێزیکی دێرازۆرێ هاتینە ژناڤبرن و نها ژی مەترسیا وان گرۆپێن چەکدار ل سەر هێزێن ئەمریکا ل سووریێ هەیە.
وەزارەتا بەرگریێ یا ئەمریکا ب توندی هۆشداریێ ددەتە ئیرانێ کو رێ نەدەت گرۆپێن چەکدار ب چەکێ ئیرانێ ئێرشی هێزێن وان بکەن، چونکی ئەمریکا دێ ب توندی بەرسڤا هەر ئێرشەکێ دەت و هەروەسا هەکە ئێرش بەردەوام بن دێ ئیران ژی باجەکا مەزن دەت، ژ بەر ڤێ یەکێ ژی دڤێت ئیران دووماهیێ ب کارێن خوە یێن تێکدەرانە ل رۆژهەلاتا ناڤین بینیت، چونکی ئیران ب رێیا گرۆپێن چەکدار دەمەکە بزاڤا ڤێ یەکێ دکەت رەوشا رۆژهەلاتا ناڤین ئالۆزتر بکەت.
