ئەلمانیا: بەرهەڤین فرۆکێن شەڕی بدەینە عەرەبستانا سعوودیێ
ئەنالنا بێربۆک وەزیرا دەرڤە یا ئەلمانیا د داخۆیانیەکێ دا راگەهاند، پەیوەندیێن ئەلمانیا ل گەل عەرەبستانا سعوودیێ گەلەک د باشن و بەری نها وان گەلەک گرێبەستێن فرۆشتنا چەکی ل گەل سعوودیێ ئیمزا کرینە و نها ژی وەکو ئەلمانیا ئەو د ئامادەنە فرۆکێن شەڕی بدەنە عەرەبستانا سعوودیێ.
چاڤدێرێن سیاسی ژی دیار دکەن، پشتی عەرەبستانا سعوودیێ پەیوەندیێن خوە ل گەل وەلاتێ چینێ بهێز کری و گەلەک گرێبەست ل گەل وی وەلاتی هاتنە ئیمزا کرن، ئەو یەک ب دلێ ئەلمانیا و پرانیا وەلاتێن ئێکەتیا ئۆرۆپا نینە و ژ بەر ڤێ یەکێ ژی نها ئەلمانیا یا بەرهەڤە جارەکا دی چەکی بدەتە سعوودیێ، لێ هەتا نها دیار نینە کا دێ هەلوەستێ نوو یێ سعوودیێ ل هەمبەر ئەلمانیا چ بیت، چونکی عەرەبستانا سعوودیێ نەڤێت پەیوەندیێن خوە ل گەل وەلاتێ چینێ تێک بدەت.
