فڕۆكەخانەیەك ل پەرستگەها لالش دێ هێتە دروستكرن
دهۆك، لەزگین جوقی:
سەرپەرشتێ پڕۆژەیێ نووژەنكرنا پەرستگەها لالش دیار كر، بۆ ئێكەمین جار جهێ دادان و فڕینا فرۆكەیان ل پەرستگەها لالش دێ هێتە دروستكرن.
خالد نەرمۆ، سەرپەرشتێ پڕۆژەیێ نووژەنكرنا پەرستگەها لالش راگەهاند، ب گوژمێ دو ملیار و 500 ملیۆن دیناران دەست ب ئەنجامدانا هەژمارەكا پڕۆژەیان ل پەرستگەها لالش هاتیە كرن، ژ وانا ژی: جهەك بۆ دادان و فڕینا فڕۆكەیێن هەلیكوپتەر دهێتە چێكرن و گۆت: “دەمێ شاندێن بیانی و مێهڤان قەستا لالش دكەن دێ هاتنوچوونا وان گەلەك ئاسانتر بیت ب رێیا فڕۆكەیان ئەڤە ژی دێ بیتە ئاسانكاری بۆ هاتنوچوونێ و نەهێلانا قەرەبالغیێ د دەمێ جەژن و هەلكەفتان دا ل پەرستگەها لالش”.
ناڤهاتی ئاشكرا ژی كر، پڕۆژەیێ نووژەنكرنا پەرستگەها لالش ل سەر شێوازێ كەڤنار یا بەردەوامە و حوكمەتا هەرێما كوردستانێ و ئەمریكا و ئێدارا نەینەوا و خێرخوازێن ئێزدی پشتەڤانیا پڕۆژەی دكەن.
