ڕەخنە بلا هەبن لێ نە یا شكاندنێ بیت
حاجی دۆسكی
د ناڤ جیهانا وەرزشێ دا تایبەت فوتبۆلێ دا ئاستێ یاریزانی گوهۆڕین سەردا دهێت، جارەكێ دێ ئاست یێ باش بیت و جاران ژی یێ خراب بیت، ئەف چەندە د ناڤ زانستا فوتبۆلێ دا دڤێت ب ئاسایی بهێتە وەرگرتن، ئەم دشین بێژین سروشتییە و بزحمەتە یاریزان هەبیت د ئێك وەرز دا ل سەر ئێك هێلا ئاستی بڕێڤەبچیت، كێماسی دێ هەبن نابیت یاریزان بكەفیتە بەر ڕەخنەیێن توند و دژاتییا وی بهێتە كرن، هەر چ خەلەتییا پەیدا بووی ئاراستەیی وی بكەن، ئەف دیاردە د ناڤا جەماوەری مە هەیە ل كوردستانێ دژی یاریزانێ كورد، وەكۆ مە دیتی ل ڤان روژێن بوری ڕەخنەیەكا دژوار دژی كوری دهۆكێ سیابند عگیدی كری، ئەف گەنجە ژ وان یاریزانێن كورد یێن خومالی نە كو ب ساناهی نە گەهشتیە ڤی ئاستی هەتا بشیت بەرەڤانیێ ژ باژێرێ خوە بكەت، راستە سیابند نەشیا وی بكەت یا جەماوەر داخاز دكەت، لێ دڤێت ئەم ژبیرنەكەین بەری دو وەرزان هەر ئەف یاریزانەبوو هەمی شیانێن خوە مەزاختین هەتا یانەیا دهۆكێ دو ناسناڤ دەستڤە ئیناین، ئەڤە باشترین بەلگەیە كۆ ئەو د وی ماوەیی دا باشترین شێوە ئەركێ خۆ ئەنجامدا، ئەگەر ئەڤرو ئاستێ سیابندی وەكۆ پێشتر نەبیت چارەسەری ئەو نینە جەماوەر هێرشێ بكەتە سەر یاریزان، هەمی دەما پێدڤی هاندانا جەماوەری هەیە تایبەت ئەگەر یاریزانەك كوڕێ باژێرێ دهۆكێ بیت بەرڤانیێ ژ ناڤی دهۆكێ بكەت جەماوەرێ راستەقینە ئەوە ل ددەمێ نەخۆش دا پشتەڤانیا یاریزانی بكەت نە بتنی دەمێ سەركەفتنێ دا، من باوەری ب سیابەند عگیدی هەیە شیان یێن هەین كۆ هیش ئاستێ خۆ بلندبكەت جارەكادی ببیتە یاریزانەكێ كاریگەر ل گەل دهۆكی بەلێ مەرجە پشتەڤان هاریكاربن، هەرچەندە مافێ هەی رەخنێ بكەن لێ یا ئاڤاكربیت نە شكاندنا یاریزانی بیت ژبەركو كارتێكرنا نەباش ل سەر دەرونێ یاریزانی هەیە چ ئەرێنی یان نەرێنی، پشتەڤانی ئەوە دێ پەیڤەكا نازك وجوان هێتە كرن، ئەز ل وی باوەرێ دا مە پترییا یانەیێن خولا لالیگا ئێراقی حەز دكەن سیابند یاریزان با دگەل وان، بلا جەماوەر باش بزانیت ئەو دلسوزییا كوڕێ باژێرێ تە دكەت وەكۆ هەستكرن بەرپرسیارەتیێ دناڤ یاریگەهێ دا چ جاران نە یاریزانێ عەرەب و نە یێ پێشكارێ بیانی ناكەت، یاریزانێ بیانی دەمێ گریبەستا وی دووماهیك دهێت دبیت ئێدی نزانیت ناڤێ تیما وی چبوو لێ یاریزانێ خومالی وەكۆ سیابندی دێ هەست كەت ئەفە دێ بۆ كەساتیا وی بیتە دیرۆك هەتا دووماهیێ دی ل بەرچاڤ بیت لەورا ئەو پتر هەست دكەت ئەركێ وی گرانترە ژ هەر یاریزانەكێ دی.
