بریتانیا ب توندی هۆشداریێ ددەتە حوسیێن یەمەنێ
وەزیرێ دەرڤە یێ بریتانیا راگەهاند، ئەو ب چو رەنگەکێ رێ نادەن حوسی ببنە مەترسی ل سەر دەریا سۆر و ئالۆزیان بۆ گەشتیێن بازرگانی دروست بکەن، چونکی ئەو یەک کاریگەریا خوە ل هەموو جیهانێ دکەت، بریتانیا ل گەل ئەمریکا بەری نها ئێرشی حوسیان کر و مە دڤێت حوسیێن یەمەنێ باش بزانن ئەم رێ نادەین ئەو ببنە مەترسی ل سەر دەریا سۆر، هەکە ئێرشێن حوسیان ل سەر گەمیان ل دەریا سۆر بەردەوام بن ڤێجارێ دێ ئێرشێن مە ل سەر حوسیان گەلەک دژوراتر ژی بن.
دێیڤید کامیرۆن ئەو یەک ژی دیار کر، بابەتێ ئێرشێن حوسییان ل سەر گەمیان ل دەریا سۆر بابەتەک گەلەک هەستیارە و پەیوەندیا خوە ب ئاسایشا جیهانی ڤە هەیە، ژ بەر ڤێ یەکێ ژی وەکو بریتانیا ئەو دێ ل گەل ئەمریکا و وەلاتێن دی ب توندی بەرسڤا ئێرشێن حوسیان دەن و دڤێت حوسی دەست ژ ئێرشێن خوە ل سەر گەمیێن بازرگانی ل دەریا سۆر بەردەن، هەکە نە دێ ئێرشێن ل سەر حوسیان ب دژواری بەردەوام بن.
