د سێ رۆژان دا دو ملیۆن مەترێن سێجا یێن ئاڤێ ل سكرێ دهۆكێ زێدەبووینە
ژ ئەگەرێ بارانبارینێن رۆژێن بۆری رێژەیەكا باش یا بارانێ ل دهۆكێ باریە و د دەمێ سێ رۆژان دا دو ملیۆن مەترێن سێجا یێن ئاڤێ ل سكرێ دهۆكێ زێدەبووینە و ئاستێ ئاڤێ ژی ل سكرێ دهۆكێ نێزیكی چار مەتران بلند بوویە.
ئەڤە ژی د دەمەكی دایە، كو رێژا بارانبارینێ د 72 دەمژمێران دا، 76 ملیم بارینە، دیسا د ڤی وەرزێ بارانبارینێ دا 345 ملیمێن بارانێ بارینە و ئاستێ بەنداڤا دهۆكێ مەترەك و 25 سەنتیمەتران بلندبوویە، ڤەرێژا ئاڤا هاتیە سەر بەنداڤێ دو ملیۆن مەترێن سێجا بووینە، هەڤبەركرن ل گەل سالا بۆری وەكو ئەڤرۆ، ئاستێ ئاڤێ د بەنداڤا دهۆكێ دا سێ مەتر و 66 سەنتیمەتران بلندتر لێهاتیە.
فەرهاد محەمەد تاهر، رێڤەبەرێ سكران ل پارێزگەها دهۆكێ دیار كر، بڕیارە دو سكرێن دی ل خەنسێ بهێنە چێكرن و كاركرن د پڕۆژەیێ سكرێ گەلیێ بەنداوا و پڕۆژەیێ بەنداڤا سپنەیی ژی دا یێ بەردەوامە.
