ناتۆ خوە بۆ شەڕێ رۆسیایێ بەرهەڤ دکەت
راب بائوه‌ر ئێک ژ فەرماندارێن ناتۆ د داخۆیانیه‌کێ دا راگه‌هاند کو په‌یوه‌ندیێن ناتۆ ل گەل رۆسیایێ رۆژ ب رۆژێ پتر ئالۆز دبن و گۆت: (ئالۆزیێن نها د ناڤبەرا ناتۆ و رۆسیایێ دا گەلەک دژوار بووینە و ژ بەر ڤێ یەکێ ژی دبیت د بیست سالێن بهێن دا، ناتۆ نەچار بیت شەڕێ رۆسیایێ بکەت، چونکی پرسێن نها یێن د ناڤبەرا رۆسیا و ناتۆیێ دا گەلەک دژوارن و گەلەک یا ب زەحمەتە وەکو ناتۆ ئەم بشێین پرسێن خوە ل گەل رۆسیایێ ب دانوستاندنان چارەسەر بکەین).
ناڤهاتی ئەو یەک ژی دیار کر، وەکو ناتۆ دڤێت ئەم ژ نها وێڤە خوە بۆ شەڕەکێ دژوار ل گەل رۆسیایێ بەرهەڤ بکەین، چونکی رۆسیا بزاڤا دکەت ئێرشی وەلاتێن دی ژی بکەت، ژ بەر ڤێ یەکێ هەکە ناتۆ هەر ژ نها ڤە بەرهەڤیان بۆ شەڕەکێ دژوار ل گەل رۆسیایێ نەکەت دێ مەترسیێن گەلەک مەزن بۆ وەلاتێن ئەندامێن ناتۆ دروست بن.
