ئسرائیلێ گەلەک هاریکاریا حەماسێ کریە
بەرپرسێ پەیوەندیێن دەرڤە یێ ئێکەتیا ئۆرۆپا د داخۆیانیەکێ دا راگەهاند، شەڕێ نها د ناڤبەرا ئسرائیلێ و حەماسێ دا زیانا خوە بۆ هەموو دەڤەرێ و هەتا ئۆرۆپا ژی هەیە، سەرۆک وەزیرێن ئسرائیلێ دبێژیت ئەو ناهێلن دەولەتەک ب ناڤێ فەلەستینێ بهێتە ئاڤاکرن، هەلوەستێ ئسرائیلێ دێ رەوشا هەی ئالۆزتر کەت، چونکی وەکو ئێکەتیا ئۆرۆپا ئەم ل سەر ڤێ باوەریێ نە دڤێت دەولەتا فەلەستینێ ب فەرمی بهێتە راگەهاندن و ئسرائیل ژی دڤێت دەولەتا فەلەستینێ ب فەرمی ناس بکەت.
سەبارەت ب سیاسەتا نها یا ئسرائیلێ ژی ناڤهاتی راگەهاند، ئسرائیلێ بەری نها ب سالان هاریکاریا رێکخستنا حەماسێ یا کری، بەلگێن پێدڤی ژی ل بەر دەستێ سازیێن هەوالگریێ هەنە، ژ بەر ڤێ یەکێ ژی وەکو چارەسەری دڤێت شەڕێ نها بهێتە راگرتن و ب رێیا دانوستاندنان پرسێن د ناڤبەرا ئسرائیلێ و فەلەستینیان دا بهێتە چارەسەرکرن، چونکی چو رێیێن دی نینن و دڤێت نەتانیاهۆ ژی راستیا هەی قەبوول بکەت و دەست ژ سیاسەتا خوە یا نها بەردەت.
